مقادير و طريقة تحضير بيتزا سهلة وميني بيتزا سهلة و اقتصادية

مقادير العجينة:

- 3كيسان طحين
- 3 معالق كبار حليب نيدو
- ربع كاس زيت
- 2 كمعالق كبار خميرة الدار
- خمارة حمرا
- معلقة صغيرة ملح
- معلقة صغيرة سكر
- ماء دافئ للعجن

طريقة التحضير سهلة جدا
- فهده العجين لاتدلك
- فقط كنجمعو المقادير
- نضيفو الماؤ تدريجيا الى ان يجمع العجين و يتجانس اي بمعنى بمجرد مايتجمع لنا العجين نحبسو من اضافة الماء
- نعملو العجين على شكل كرة كبيرة
ترتاح شوية
من بعد نشلوها كويرات صغار
ترتاح شوية
- نطلقو كل كويرة بالمدلك ,تم نقطعو دواشر صغار
- نخليو الدوائر يخمرو مزيان تم نعملو الحشوة الفوق و الى الفرن
انا كيعجبوني الميني بيتزا على البيتزا الكبيرة و تانيا كنعملهم فالمجمد و كيسهال عليا كلما بغيت نجبد ونسخن
نكفى الفرن  نعمل الفروماج محكوك كيبقاو عندى حتى مدة شهر على حساب الاستهلاك والى جبدنهم كانني عاد طيبتهم
العجين كتجي بكترة ماهشيشة كتلوى فاليد.

بالصحة و الراحة