بالصور مقادير و طريقة تحضير بلاطو حلويات الصابلي بأشكال مختلفة وعجينة واحدة

المقادير :

- 250 زبدة لينة

+ 150 سكر كلاصي

+ 2 بيضات

+ 2 معالق كبار مايزينا

+ خمارة حمرا

- فاني

للتزيين :

شكلاط أسود +قليل من الشكلاط الأبيض+لوز أو كاوكاو محمر ومهرمش

حب ملوك معسل+كاكاو و مربى

طريقة التحضير  بالصور:

كنخلطو المقادير كلهم بحال اي حلوة ونسرحو العجين بالمدلك وقطعتوها مستطيلات

منين نطيبوهم كنلصقو كل 2 بالشكلاط دايب

ونغطسو النصف ديال الحلوى في الشكلاط و نزينوها من الفوق بشوية كاوكاو
ونديرو الشكلاط في قمع من ورق الزبدة ونديرو به خطوط
هذا شكل اخر نلصقو كل 2 بالمربى وندهنو وجه الحلوى بالمربى ثم الكوك

كناخذو شوية مربى الفريز ونضيفو ليه معلقة سكر كلاصي و نذوبوه شوية فوق نار مهيلة

نديرو في ورق الزبدة وزينو بيه الحلوة بواسطة خط

نجيبو طابع ديال النجمات ونقطعو بيه العجينة

كنلصقو كل 2 كذلك بالمربى

كندهنو الوجه بالمربى كنديرو فوق رأس النجمة واحد بالكوك والاخر بكوكاو او الفستق كيجي احسن

والثقب نعمروه بالمربى

كنقطعو الحلوة بالمرشم

ومنين طيب نغطيوها بالشكلاط ونديرو خطوط بالشكلاط الأبيض

ونجرو بالسكين بحال ميل فوي

كناخذو 3 حرابل متساوية من العجين

واحد أبيض و الثاني نضيفو ليه معلقة صغيرة كاوبيل و الثالث أضفت له معلقة صغيرة بودرة الكاكاو

كنشكلوهم على شكل هرم ونخلوهم للمجمد حتى يشدو فراسهم عاد نقطعوهم

ونديرهم يطيبو

في هذا الشكل كنديرو 8 كويرات صغار من العجين ونلصقوهم مع بعضهم

ونديرو وسهم قطع حب ملوك معسل مقطع شرائح رقيقة ونطيبوهم

كناخذو العجينة ونحربلوها بالأصبع من الوسط

كنثنيوها على جوج

نطيبو الحلوة ونزينوها بالشكلاط من التحت والفوق

ونقدمو حلويات الصابلي في بلاطو