حلويات رأس السنة:بالصور مقادير وطريقة تحضير مسكوتة رأس السنة 2014

المقادير :

مقادير الجنواز
- 4 بيضات
- 120 جرام سنيدة
- 120 جرام دقيق
- 1 ساشي ديال فاني
- راس ملعقة خميرة الحلوى
هادي بالنسبة جنواز لونها كيجي بيض انا درت 2 جنواز الاولى بيضاء و الجنواز الثانية لونها كيجي اسود كنديرو نفس المقادير غير وكان فبلاصة فاني كنديرو 1 ملعقة كبيرة كاكاو او كاوبيل.
طريقة التحضير :
نديرو البيض و نطربوه على حمام مريم باش كيطلع البيض دغيا و الجنواز تجي مفشفشة.

حتى ولى بحال الرغوة و نحيدوه من حمام مريم و منوقفوش تطراب يبرد شويا و نضيفو السكر شويا بشويا.

نزيدو الدقيق و الخميرة ونضيفو شويا بشويا و نحركو بملعقة باش البيض لطلعناه مابطيحش لينا.

نديرها فمول مدهونة بالزبدة و مرشوشة بالدقيق و ندخلوها لفران طيب مزيان من الداخل ديالها و هادي الجنواز بكاوبيل سمحولي ماصورتهاش بالمراحل وراها نفس الطريقة انا صورتها هنا ملي طابت.
و حتى تبرد عاد نقسموها

مقادير الكريمة :
- 250gr سنيدة
- 250 gr زبدة
- 500 سل حليب
- كاس زيت
طريقة تحضير الكريمة :
نخلط زبدة و سكر حتى يولي عندي خليط ثقيل ومتماسك و نبقى نخلط بخلاط و نزيد مرة زيت مرة حليب حتى نسالي لكمية لي عندي وها هي لكريمة واجدة و ندخلها لثلاجة تبرد

دابا نفزكو و نسقيو طرطات ديالنا بفانتا وندير فوق الطبقة كريم وحنا غاديين وفالاخير نغطيو كولشي بكريم و نزوقوها على حسب الرغبة.

كل عام وانتم بالف خير