بالصور مقادير و طريقة تحضير مسكوتة بكاوبيل اقتصادية ولذيذة

المقادير :

كأس العنبة ماء بارد + كأس عنبة زيت + كأس عنبة سنيدة + باكية كاملة ديال كاوبيل
2 كيسان عنبة دقيق + 3بيضات + 2 خمارات

طريقة التحضير :
نخلطو في البداية في كاسرونة نوضعو :كأس الماء + كأس الزيت + كأس السنيدة + باكية كاوبيل

نضع الكل يغلى فوق النار حتى تظهر لينا الفقاعات
لما يغلى نزولوه من فوق النار ثم نقصو من الخليط مقدار كأس ديال العنبة غادي نحتاجوه في الأخير للسقي

في باقي الخليط نضيف بالترتيب ، ضروري جدا احترام الترتيب
نضيف الدقيق أولا
ثم البيض بيضة بيضة

ثم في الأخير الخمارات
لأنه إيلى ضفنا البيض من الأول غادي يطيب لينا لأن الخليط سخون
نضيف الخمارات في الأخير غادي تلاحظو بأن الخليط فيه فقاعات متحركوهش بزاف باش منهرسوش فيه الخميرة القدر اللي تخلط و الخليط لونو غادي يتفتح طبيعي جدا

كنحصلو على خليط بهاد الشكل
نكبوه في طاوة دالفرن و نهزو يدينا بزاف للفوق باش يتهوى الخليط

لما يطيب الكيك ديالنا نسقيوه بالكاس اللي نقصناه
و هنا الكيك ديالنا سقيناه و زيناه بالكركاع مهرمش و نديرو عليه خطوط من الشكلاط

وتقدم بالصحة و الراحة