المقادير :
كيلوا لحم بكري أو غنمي حسب الإختيار والذوق
2 كيلوا قوق منقي
كليوا جلبانة طرية
3 بصلات
العطرية :
ملعقة صغيرة الإبزار
شوية الملح
ملعقة صغيرة سكنجبير
ملعقة صغيرة الخرقوم بلدي
ملعقة صغيرة الزعفران
ملعقة صغيرة الملون صناعي حسب الإختيار
ممكن كنورة بكري أو غنمي أو بلاش حسب الإختيار
ملعقة صغيرة القزبر ومعدنوس مقطعين رقيق
كاس ماء
نصف كاس زيت الزيتون أو زيت رومية أو مخلطين حسب الإختيار
3 فصوص ثوم ممعوس أو محكوك
طريقة التحضير :
في طاجين على المجمر أو على صفيحة حديدية خاصة بالطهو في
الطاجين تحط على النار وفوقها يحط طاجين ويوضع فيه اللحم
وبصلة مشنفة رقيق والعطرية الملح، الإبزا، سكنجبير، الخرقوم
والزعفران، الثومة، الربيع، الزيت
ويشحر الحم مع البصلة والعطرية والربيع مزيان بالتقليب جميع الجوانب حتى يتقلى مزيان
ثم نهز اللحم ونصفف البصلة دوائر في كل الطاجين ونحط عليها اللحم باش ميلسقش وفي نفس الوقت البصلة تتعسل وتهيا تتعطي مذاق لذيذ للطاجين، بعدما حطينا البصلة دوائر وحطينا فوقها اللحم نحط فوقه الجلبانة طرية، ثم نحط القوق منقي منزوع الأوراق والزغبومغسول وباش ميسودش لونه يغطس في الماء والحامض إلى وقت وضعه في الطاجين، وفوق الخضر نصب كاس الماء فيه شوية من جميع العطرية التي سبق ذكرها باش تجي الخضرة بنينة وندوز منالخضر رشة زيت الزيتون
نسد الطاجين ونحطوه على النار وينضج على الفاخر أو البوطة ويمكن يتعمل في الكوكوت لزيادة سرعة الطهي إلا أن في الكوكوت تنسبق اللحم حتى يطيب عاد نضيف الجلبانة والقوق ويقدم بالصحة والراحة.
No comments:
Post a Comment